Ипотека бағасы бойынша Қазақстан көш басында

Posted On: 05.06.2025

Қазақстанда пәтер жалдау Қытаймен салыстырғанда қымбатырақ, алайда Өзбекстанмен салыстырғанда арзанырақ, деп хабарлайды LS.

Numbeo деректеріне сәйкес, Қазақстанда бір бөлмелі пәтерді (қала орталығында) жалға алу орта есеппен айына 232,6 мың теңгеге түседі.

Ал Малайзияда жалға алу құны – 200,6 мың теңге, Қытайда – 221,5 мың, Моңғолияда – 235,7 мың, Қырғызстанда – 242,7 мың теңге.

Есесіне Ресейде (307,4 мың), Түркияда (328,3 мың) және Оңтүстік Кореяда (329,9 мың теңге) жалға алу құны Қазақстанмен салыстырғанда қымбатырақ.

Германияда (516,4 мың теңге), АҚШ-та (887,6 мың) және Швейцарияда (1 млн теңге) жалдамалы баспана үшін ай сайын әлдеқайда көп төлеуге тура келеді.

Жылжымайтын мүлік сатып алу тұрғысынан алғанда, аталған елдердің ішінде ең қолжетімді баға Қазақстанда. Қала орталығындағы пәтердің бір шаршы метрі орташа есеппен 651,8 мың теңгені құрайды. Одан кейін Қырғызстан (685,5 мың), Моңғолия (758,7 мың) және Өзбекстан (804,3 мың теңге) орналасқан.

Ресейде бұл көрсеткіш әлдеқайда жоғары – 1,6 млн теңге, Түркияда – 1 млн, Малайзияда да – 1 млн теңге.

Ең қымбат жылжымайтын мүлік Оңтүстік Кореяда (7,4 млн теңге), Қытайда (3,3 млн) және Германияда (3,1 млн теңге). Ал Швейцария бәрінен асып түсіп, бір шаршы метр үшін 8,6 млн теңге сұрайды.

Алайда ипотека шарттарына келсек, ең төменгі тұрақты мөлшерлеме Жапонияда – жылдық орта есеппен 1,8% (20 жыл мерзімге). Швейцарияда – 2,4%, Германияда – 3,9%, Қытайда – 4,06%, Оңтүстік Кореяда – 4,3%, Малайзияда – 4,11%.

Жоғары пайыздық мөлшерлеме орнатқан елдердің қатарына Қазақстан (18,03%), Қырғызстан (20,1%) және Өзбекстан (22,02%) жатады. Ал ипотека бойынша ең жоғарғы мөлшерлеме Түркияда тіркелген – 42,3%.